ప్రభావిత గ్రామాల్లో పునరుద్ధరణ పనులు వేగవంతం : పవన్‌ కళ్యాణ్‌

xPress24, Mangalagiri, October 29, ఓర్నబ్‌ తుపాను ప్రభావిత గ్రామాల్లో సాధారణ పరిస్థితులు నెలకొనేలా మౌలిక సదుపాయాల పునరుద్ధరణ పనులను వేగవంతం చేయాలని  ఆంధ్రప్రదేశ్  ఉప ముఖ్యమంత్రి కె.పవన్‌ కళ్యాణ్‌ అధికారులను ఆదేశించారు. గ్రామీణ రహదారులపై పడిన చెట్ల తొలగింపు, డ్రైనేజీల శుభ్రత, పారిశుద్ధ్యం, తాగునీటి సరఫరా, వీధి దీపాల పునరుద్ధరణపై సంబంధిత శాఖల అధికారులతో  బుధవారం సమీక్ష నిర్వహించారు.తుపాను కారణంగా గ్రామీణ రహదారులపై నేలకొరగిన , చెట్లను  తొలగించాలని ఆదేశించారు. లోతట్టు ప్రాంతాల్లో నీరు నిల్వ ఉండకుండా చర్యలు తీసుకోవాలని,  వర్షాలు తగ్గిన తర్వాత అంటువ్యాధులు ప్రబలకుండా పారిశుద్ధ్య కార్యక్రమాలు చేపట్టాలని ఆదేశించారు. దెబ్బతిన్న  పైపులైన్లను పునరుద్ధరించాలని అవసరమైన చోట్ల ట్యాంకర్ల ద్వారా నీటిని సరఫరా చేయాలని, తాగునీటి నాణ్యతను నిరంతరం పరిశీలించాలని సూచించారు.