పర్యావరణ కాలుష్యానికి పాశ్చాత్య దేశాల తీరే కారణం: పీయూష్ గోయల్

xPress24, DELHI, October 23, పర్యావరణ కాలుష్యం, ఓజోన్ పొర క్షీణతకు పాశ్చాత్య దేశాల తీరే కారణమని కేంద్ర వాణిజ్య శాఖ మంత్రి పీయూష్ గోయల్ తెలిపారు. బెర్లిన్ గ్లోబల్ డైలాగ్ వేదికగా పశ్చిమ దేశాల వైఖరిని ఆయన వివరించారు. ఐరోపా, అమెరికా దేశాలే కాలుష్య తీవ్రత పెరగడానికి ప్రధాన కారణమని పేర్కొన్న ఆయన.. ఆ మూల్యాన్ని పేద, అభివృద్ధి చెందుతున్న దేశాలు చెల్లించాల్సి రావడం సమంజసం కాదన్నారు. గణాంకాలతో వివరాలు వెల్లడి ప్రపంచ జనాభాలో భారత్ వాటా 17 శాతం ఉన్నప్పటికీ, కర్బన ఉద్గారాల వాటా కేవలం 3 నుంచి 3.5 శాతం మాత్రమేనని పీయూష్ గోయల్ గుర్తుచేశారు. అదే సమయంలో ప్రపంచ జనాభాలో కేవలం 3 శాతం ఉన్న ఐరోపా సమాజం.. దాదాపు 17 శాతం కర్బన ఉద్గారాలకు కారణమవుతోందని గణాంకాలతో సహా స్పష్టం చేశారు. భారత్ తలసరి కర్బన ఉద్గారాలు ఐరోపా తలసరి ఉద్గారాలలో 10 శాతం కంటే తక్కువగానే ఉన్నాయని వెల్లడించారు. హామీలు నెరవేర్చడంలో వైఫల్యం 2015 పారిస్ వాతావరణ సదస్సులో పేద దేశాలకు ఇస్తామన్న 100 బిలియన్ డాలర్ల ఆర్థిక సాయం హామీని 11 ఏళ్లు గడుస్తున్నా అభివృద్ధి చెందిన దేశాలు నెరవేర్చకపోవడంపై కేంద్ర మంత్రి అసంతృప్తి వ్యక్తం చేశారు. ఒప్పందాల ప్రకారం రావాల్సిన నిధులను సకాలంలో విడుదల చేయాలని సూచించారు. బైట్ - పీయూష్ గోయెల్, కేంద్ర వాణిజ్య శాఖ మంత్రి