తెలంగాణ
పర్యావరణ పరిరక్షణకు దోహదపడేలా పట్టణాభివృద్ధి ప్రణాళికలు రూపొందించాలి: సీఎం రేవంత్ రెడ్డి
21-11-2026 14:58
వాతావరణ మార్పులను దీటుగా ఎదుర్కొంటూ, పర్యావరణ పరిరక్షణకు పెద్దపీట వేసేలా పట్టణ అభివృద్ధి ప్రణాళికలు ఉండాలని ముఖ్యమంత్రి రేవంత్ రెడ్డి అధికారులను ఆదేశించారు. పట్టణ మౌలిక సదుపాయాల కల్పనపై పురపాలక శాఖతో నిర్వహించిన ఉన్నతస్థాయి సమీక్షలో, ప్రపంచబ్యాంకు, ఏడీబీ, ఏఐఐబీ, జర్మనీకి చెందిన కేఎఫ్డబ్ల్యూ బ్యాంకు సహా దేశీయ ఆర్థిక సంస్థల సహకారంతో సుమారు రూ. 20 వేల కోట్ల విలువైన ప్రాజెక్టుల ప్రతిపాదనలను సీఎం పరిశీలించారు.
xPress24, Hyderabad, November 21,
వాతావరణ మార్పులను తట్టుకునేలా, పర్యావరణ పరిరక్షణకు దోహదపడేలా పట్టణాలను అభివృద్ధి చేసే ప్రణాళికలను రూపొందించాలని అధికారులను ముఖ్యమంత్రి రేవంత్ రెడ్డి ఆదేశించారు. రాష్ట్రంలో పట్టణ మౌలిక సదుపాయాల అభివృద్ధికి పురపాలక శాఖ రూపొందించిన ప్రతిపాదనలపై ఉన్నతస్థాయి సమావేశంలో సీఎం సమీక్షించారు. ప్రపంచబ్యాంకు, ఆసియా అభివృద్ధి బ్యాంకు, ఆసియా మౌలిక సదుపాయాల పెట్టుబడుల బ్యాంకు , జర్మనీకి చెందిన కేఎఫ్డబ్ల్యూ బ్యాంకుతో పాటు దేశీయ ఆర్థిక సంస్థల సహకారంతో దాదాపు 20 వేల కోట్ల విలువైన ప్రాజెక్టులను చేపట్టేందుకు పురపాలక శాఖ ప్రతిపాదనలు సిద్ధం చేసింది. పట్టణాల్లో తాగునీటి సరఫరా, నీటి శుద్ధి, పంపిణీ వ్యవస్థల్లో విద్యుత్ వినియోగాన్ని తగ్గించడం, పునరుత్పాదక ఇంధన వనరులను వినియోగించడంపై అధికారులకు రేవంత్ రెడ్డి పలు సూచనలు చేశారు. ఈ ప్రాజెక్టుల ద్వారా పట్టణాల్లో కర్బన ఉద్గారాలను తగ్గించడం, నీటి వనరులను సంరక్షించడం, వరద ముప్పును నివారించడం, పురపాలక సంస్థల నిర్వహణ వ్యయాన్ని తగ్గించడం లక్ష్యంగా నిర్దేశించారు.
బైట్: రేవంత్ రెడ్డి, ముఖ్యమంత్రి