తెలంగాణ
పార్వతీపురం సబ్జైలులో తనిఖీ
21-11-2026 09:42

పార్వతీపురం మన్యం జిల్లా, నవంబర్ 20: పార్వతీపురం సబ్జైలులోని న్యాయ సహాయ కేంద్రాన్ని ఉమ్మడి విజయనగరం జిల్లా న్యాయ సేవాధికార సంస్థ కార్యదర్శి డాక్టర్ ఎ. కృష్ణ ప్రసాద్ శుక్రవారం సందర్శించారు.
xPress24, Paravathipuram, November 20,
పార్వతీపురం మన్యం జిల్లా, నవంబర్ 20: పార్వతీపురం సబ్జైలులోని న్యాయ సహాయ కేంద్రాన్ని ఉమ్మడి విజయనగరం జిల్లా న్యాయ సేవాధికార సంస్థ కార్యదర్శి డాక్టర్ ఎ. కృష్ణ ప్రసాద్ శుక్రవారం సందర్శించారు. ఈ సందర్భంగా ఖైదీలకు అందిస్తున్న ఉచిత న్యాయ సేవలు, న్యాయ సహాయ కేంద్రం పనితీరు, పెండింగ్ కేసుల వివరాలు, ఖైదీలకు అందుతున్న న్యాయ సహాయంపై సంబంధిత అధికారులను అడిగి తెలుసుకున్నారు.
న్యాయ సహాయం అవసరమైన ఖైదీలకు ఉచితంగా న్యాయవాదుల సేవలు అందించాలని అధికారులకు సూచించారు. ఖైదీల కేసుల పరిష్కారానికి అవసరమైన న్యాయ సహాయం అందేలా చర్యలు తీసుకోవాలని ఆదేశించారు. అలాగే ఖైదీలకు వారి న్యాయపరమైన హక్కులు, ఉచిత న్యాయ సహాయ సేవలపై అవగాహన కల్పించాలని సూచించారు.
ఖైదీలకు సైతం న్యాయం అందుబాటులో ఉండేలా న్యాయ సేవాధికార సంస్థ నిరంతరం కృషి చేస్తుందని డాక్టర్ ఎ. కృష్ణ ప్రసాద్ తెలిపారు.