పాలపిట్టలను బంధిస్తే కఠిన చర్యలు: సీపీ సజ్జనార్

xPress24, hyderabad, October 20, విజయదశమి సందర్భంగా రాష్ట్ర పక్షి పాలపిట్టలను బంధించి వ్యాపారం చేస్తే చట్ట ప్రకారం కఠిన చర్యలు తీసుకుంటామని హైదరాబాద్ పోలీస్ కమిషనర్ వి.సి. సజ్జనర్ హెచ్చరించారు. దసరా పండుగ అంటే ఆనందం, స్వేచ్ఛ, సమస్త మూగజీవులపై కరుణ చూపడమని ఆయన ‘ఎక్స్’ వేదికగా స్పష్టం చేశారు. దసరా వేళ పాలపిట్టను చూడటం శుభసూచకమనే పేరుతో కొందరు వాటిని బోనుల్లో బంధించి అక్రమ వ్యాపారానికి తెరలేపుతున్నారని, అలాంటి వారిని ఎట్టిపరిస్థితుల్లోనూ ఉపేక్షించబోమని తెలిపారు. పర్యావరణ పరిరక్షణలో కీలక పాత్ర పోషించే పాలపిట్ట పంటలను నాశనం చేసే పురుగులను తింటూ రైతులకు ఎంతో మేలు చేసే నేస్తమని పేర్కొన్నారు. అది వినీలాకాశంలో స్వేచ్ఛగా ఎగురుతున్నప్పుడే ప్రకృతికి అందం, మన సంస్కృతికి గౌరవమని వివరించారు. ఎవరైనా పాలపిట్టలను బంధించినట్లు తెలిస్తే వెంటనే టోల్‌ఫ్రీ నంబర్ 1800-4255364 కు సమాచారం అందించి రక్షించాలని, బాధ్యతాయుతమైన పౌరులుగా వ్యవహరించి మూగజీవులను కాపాడాలని సీపీ సజ్జనార్ ప్రజలకు పిలుపునిచ్చారు. బైట్ వి.సి. సజ్జనర్, హైదరాబాద్ పోలీస్ కమిషనర్