ఫ్రెంచ్ ఓపెన్ సెమీస్‌లోకి పి.వి.సింధు.. చైనీస్ తైపీ ప్లేయర్‌పై ఘనవిజయం!

xPress24, Hyderabad, October 24, ఫ్రెంచ్ ఓపెన్ సూపర్ 750 బ్యాడ్మింటన్ టోర్నీలో భారత స్టార్ షట్లర్ పీవీ సింధు అద్భుత ప్రదర్శనతో సెమీఫైనల్స్‌లోకి అడుగుపెట్టింది. మహిళల సింగిల్స్ క్వార్టర్ ఫైనల్ మ్యాచ్‌లో చైనీస్ తైపీకి చెందిన చియు పిన్‌ను 21-13, 21-14 తేడాతో సింధు నేరుగా చిత్తు చేసింది. ఆరంభం నుంచే పూర్తి ఆధిపత్యం ప్రదర్శించిన సింధు.. కేవలం 39 నిమిషాల్లోనే కేక్ వాక్‌లా మ్యాచ్‌ను ముగించి ఘనవిజయాన్ని అందుకని సెమీస్ బెర్త్‌ను ఖరారు చేసుకుంది. ఇక శనివారం జరగబోయే ఉత్కంఠభరిత సెమీఫైనల్ పోరులో జపాన్ క్రీడాకారిణి హినా అకేచితో సింధు తలపడనుంది. ఈ ప్రతిష్టాత్మక ఫ్రెంచ్ ఓపెన్ టోర్నీలో టైటిల్ రేసులో నిలిచిన ఏకైక భారత షట్లర్ పీవీ సింధు కావడం విశేషం. సింధు సెమీస్‌లోనూ విజయం సాధించి ఫైనల్‌కు చేరాలని భారత క్రీడాభిమానులు ఆకాంక్షిస్తున్నారు