బీజేపీ పాదయాత్ర నేపథ్యంలో హైదరాబాద్‌లో ట్రాఫిక్ ఆంక్షలు, వాహనాల మళ్లింపు

బీజేపీ పాదయాత్ర నేపథ్యంలో హైదరాబాద్‌లో ఈ రోజు మధ్యాహ్నం ఒంటిగంట నుంచి సాయంత్రం ఏడు గంటల వరకు అవసరాన్ని బట్టి ట్రాఫిక్ ఆంక్షలు, మళ్లింపులు అమలు చేస్తున్నట్లు ట్రాఫిక్ పోలీసులు తెలిపారు. లిబర్టీ, రవీంద్రభారతి, బషీర్‌బాగ్, నాంపల్లి, ఎంజే మార్కెట్, అఫ్జల్‌గంజ్ ప్రాంతాల్లో రద్దీ ఉంటుందని, వాహనదారులు ప్రత్యామ్నాయ మార్గాలు ఎంచుకోవాలని సూచించారు. జీపీఓ నుంచి ఎంజే మార్కెట్ వైపు వాహనాలకు అనుమతి లేదని, ఆర్టీసీ బస్సులనూ మళ్లిస్తారని తెలిపారు.