బులియన్ మార్కెట్‌లో తగ్గిన బంగారం, వెండి ధరలు

xPress24, Hyderabad, November 10, దేశీయ బులియన్ మార్కెట్‌లో గత రెండు రోజులుగా పెరుగుతూ వచ్చిన బంగారం, వెండి ధరలు ఇవాళ తగ్గుముఖం పట్టాయి. అంతర్జాతీయ మార్కెట్ పరిణామాలు, ముడిచమురు ధరల హెచ్చుతగ్గులు, డాలర్‌తో రూపాయి మారకం విలువ, పారిశ్రామిక కొనుగోళ్లలో మార్పులు విలువైన లోహాల ధరలపై ప్రభావం చూపాయి. హైదరాబాద్‌లో సోమవారం 24 క్యారెట్ల 10 గ్రాముల పసిడి ధర రూ. 1,47,400 ఉండగా, మంగళవారం నాటికి రూ. 960 తగ్గి రూ. 1,46,440 వద్ద స్థిరపడింది. ఆభరణాల తయారీకి వాడే 22 క్యారెట్ల 10 గ్రాముల బంగారం ధర రూ. 1,32,550గా కొనసాగుతోంది. అంతర్జాతీయ మార్కెట్‌లో ఔన్స్ స్పాట్ గోల్డ్ ధర 4,110 డాలర్ల వద్ద ట్రేడవుతోంది. ముంబై, బెంగళూరు, విశాఖపట్నం, విజయవాడ తదితర నగరాల్లోనూ ఇవే ధరలు నమోదయ్యాయి. వెండి ధర కూడా డౌన్.. కిలోపై రూ. 1,689 తగ్గుదల పసిడి బాటలోనే వెండి ధర కూడా తగ్గింది. హైదరాబాద్ మార్కెట్‌లో సోమవారం కిలో వెండి ధర రూ. 1,92,850గా ఉండగా, మంగళవారం రూ. 1,689 తగ్గి రూ. 1,91,161కు చేరింది. అంతర్జాతీయ మార్కెట్‌లో ఔన్స్ స్పాట్ సిల్వర్ ధర 52.93 డాలర్ల వద్ద కొనసాగుతోంది. అంతర్జాతీయ ఆర్థిక పరిస్థితులు, పరిశ్రమల నుంచి డిమాండ్ తగ్గుముఖం పట్టడం వల్లే వెండి ధరలు తగ్గినట్లు మార్కెట్ నిపుణులు విశ్లేషిస్తున్నారు.