భారత్ నీటి నిర్వహణ.. అభివృద్ధి చెందుతున్న దేశాలకు ఆదర్శమన్న ప్రపంచ బ్యాంకు

xPress24, Delhi, November 10, భారతదేశ నీటి నిర్వహణ కార్యక్రమాలు గణనీయమైన విజయాలను నమోదు చేశాయని, అభివృద్ధి చెందుతున్న దేశాలకు ఇవి ఆదర్శంగా నిలుస్తున్నాయని ప్రపంచ బ్యాంకు గ్లోబల్ డైరెక్టర్ (వాటర్) సరోజ్ కుమార్ ఝా పేర్కొన్నారు. జల్ జీవన్ మిషన్, నమామి గంగే, స్వచ్ఛ భారత్ మిషన్ ద్వారా సాధించిన ఫలితాలను ఆయన ప్రత్యేకంగా ప్రస్తావించారు. ఏడేళ్ల కంటే తక్కువ వ్యవధిలోనే జల్ జీవన్ మిషన్ ద్వారా దాదాపు 80 కోట్ల మంది పౌరులకు మెరుగైన తాగునీటి సదుపాయం కల్పించడం గొప్ప ముందడుగని కొనియాడారు. అబుదాబి సదస్సులో అనుభవాలను పంచుకోవాలని పిలుపు డిసెంబర్ 8 నుంచి 10 వరకు అబుదాబిలో జరగనున్న 2026 ఐక్యరాజ్యసమితి నీటి సదస్సులో (యూఎన్ వాటర్ కాన్ఫరెన్స్) భారత్ తన విజయవంతమైన అనుభవాలను అంతర్జాతీయ సమాజంతో పంచుకోవాలని సరోజ్ కుమార్ ఝా సూచించారు. తాగునీటి సరఫరా, పారిశుధ్యం, నదీ పరిరక్షణ రంగాలలో భారత్ అమలు చేస్తున్న నమూనాలు ఇతర వర్ధమాన దేశాల అభివృద్ధికి దిశానిర్దేశం చేయగలవని సరోజ్ కుమార్ ఝా అభిప్రాయపడ్డారు.