మాదాపూర్‌లో పునరుద్ధరించిన తమ్మిడికుంట చెరువును ప్రారంభించనున్న సీఎం రేవంత్‌రెడ్డి

హైదరాబాద్‌ మాదాపుర్‌లో పునరుద్ధరించిన తమ్మిడికుంట చెరువును ముఖ్యమంత్రి రేవంత్ రెడ్డి ఈరోజు సాయంత్రం ప్రారంభిస్తారు. 'హైడ్రా' నేతృత్వంలో వేగంగా పూర్తయిన ఈ ప్రాజెక్టు ప్రారంభోత్సవానికి ప్రముఖ సినీనటుడు అక్కినేని నాగార్జున ప్రత్యేక అతిథిగా హాజరుకానున్నారు. చెరువుల ఆక్రమణల తొలగింపు, పునరుద్ధరణ ప్రక్రియలో ఇళ్లు కోల్పోయిన పేదలకు ప్రభుత్వం పునరావాసం కల్పిస్తోంది. ఈ కార్యక్రమ వేదికపైనే గుడిసెలను కోల్పోయినవారికి ఇందిరమ్మ ఇళ్ల పత్రాలను సీఎం పంపిణీ చేస్తారు.