మున్సిపల్ ఎన్నికలు–2026: 2,325 మంది పోలింగ్ సిబ్బంది నియామకం

xPress24, Vizianagaram, October 22, విజయనగరం జిల్లా, అక్టోబర్ 22: విజయనగరం జిల్లాలో మున్సిపల్ ఎన్నికలను స్వేచ్ఛాయుతంగా, నిష్పక్షపాతంగా, పారదర్శకంగా నిర్వహించేందుకు జిల్లా ఎన్నికల యంత్రాంగం పటిష్టమైన చర్యలు చేపడుతోందని సాధారణ ఎన్నికల పరిశీలకులు తేజ్ భారత్ పేర్కొన్నారు. గురువారం విజయనగరం నగరంలోని ఎన్‌ఐసీ కేంద్రంలో విజయనగరం, బొబ్బిలి, నెల్లిమర్ల మున్సిపాలిటీల్లో పోలింగ్ విధులు నిర్వహించనున్న సిబ్బంది నియామకానికి సంబంధించి తుది ర్యాండమైజేషన్ ప్రక్రియను ఆయన పర్యవేక్షణలో నిర్వహించారు. ఎన్నికల సిబ్బంది కేటాయింపులో ఎలాంటి పక్షపాతానికి తావులేకుండా కంప్యూటరీకృత ర్యాండమైజేషన్ విధానం ద్వారా పోలింగ్ కేంద్రాల వారీగా సిబ్బందిని కేటాయించారు. ఈ ప్రక్రియను పూర్తి పారదర్శకంగా నిర్వహించడంతో పాటు, మొత్తం కార్యక్రమాన్ని వీడియో రికార్డింగ్ చేశారు. మూడు మున్సిపాలిటీల్లో పోలింగ్ విధుల నిర్వహణకు మొత్తం 2,325 మంది సిబ్బందిని నియమించారు. వీరిలో 387 మంది ప్రిసైడింగ్ అధికారులు, 386 మంది అసిస్టెంట్ ప్రిసైడింగ్ అధికారులు, 1,552 మంది ఇతర పోలింగ్ అధికారులు ఉన్నారు. ఎన్నికల ప్రక్రియలో పారదర్శకతను పాటిస్తూ, నిబంధనలకు అనుగుణంగా పోలింగ్ నిర్వహించేందుకు జిల్లా ఎన్నికల యంత్రాంగం అవసరమైన ఏర్పాట్లు చేపడుతోంది.