మురసు తుఫానుపై మున్సిపల్ కమిషనర్లను మంత్రి నారాయణ సమీక్ష

xPress24, Amaravati, November 3, మురసు తుఫాను నేపథ్యంలో ప్రజలకు ఎలాంటి ఇబ్బందులు కలగకుండా ముందస్తు జాగ్రత్తలు తీసుకోవాలని ఆంధ్రప్రదేశ్ పురపాలక శాఖ మంత్రి నారాయణ ఆదేశించారు. తుఫాను ప్రభావంపై మున్సిపల్ కమిషనర్లతో నిన్న సమీక్ష నిర్వహించి పలు సూచనలు చేశారు. హోర్డింగులు, భారీ వృక్షాల వద్ద ప్రమాదాలు జరగకుండా చర్యలు తీసుకోవాలని సూచించారు. డ్రైనేజీల్లో పూడిక తొలగించి, లోతట్టు ప్రాంతాల్లో నీరు నిల్వకుండా చర్యలు చేపట్టాలన్నారు. మున్సిపల్ కమిషనర్లు క్షేత్రస్థాయిలో పర్యటిస్తూ పరిస్థితులను ఎప్పటికప్పుడు పర్యవేక్షించాలని ఆదేశించారు. తుఫాను ప్రభావాన్ని అమరావతి నుంచి నిరంతరం పర్యవేక్షిస్తూ అవసరమైన ఆదేశాలు జారీ చేయాలని ఉన్నతాధికారులకు మంత్రి సూచించారు.