మైసూరు దసరా వేడుకలకు సీఎం రేవంత్ రెడ్డి

xPress24, Hyderabad, October 21, కర్ణాటక ప్రభుత్వం ఆహ్వానం మేరకు ముఖ్యమంత్రి రేవంత్ రెడ్డి మైసూరు ప్యాలెస్‌లో జరిగే దసరా వేడుకల్లో పాల్గొనేందుకు బుధవారం బయల్దేరి వెళ్లారు. ప్రసిద్ధ మైసూరు దసరా ఉత్సవాల్లో భాగంగా ఈ రోజు జంబూ సవారీని వైభవంగా నిర్వహించనున్నారు. ఈ వేడుకల్లో ముఖ్యమంత్రి పాల్గొని అమ్మవారి పూజా కార్యక్రమాలను తిలకిస్తారు. వైభవంగా జంబూ సవారీ మైసూరు దసరా ఉత్సవాల్లో భాగంగా నందిధ్వజ పూజ నిర్వహిస్తారు. అనంతరం సాయంత్రం చాముండేశ్వరి అమ్మవారి ఉత్సవమూర్తిని బంగారు అంబారీపై ఉంచి ఊరేగిస్తారు. రాజప్రాసాదం నుంచి బన్నిమంటప్ వరకు సాగే ఈ జంబూ సవారీ ఊరేగింపును తిలకించేందుకు వివిధ ప్రాంతాల నుంచి పెద్ద సంఖ్యలో పర్యాటకులు తరలివస్తారు. డ్రోన్ షోతో వేడుకల ముగింపు రాత్రి సమయంలో నిర్వహించే టార్చ్‌లైట్ పరేడ్, ప్రత్యేక డ్రోన్ షోతో ఈ ఏడాది మైసూరు దసరా వేడుకలు ఘనంగా ముగుస్తాయి. ఈ సంస్కృతీ సంప్రదాయాల వేడుకను వీక్షించడానికి అనేకమంది ప్రముఖులు, పర్యాటకులు హాజరవుతున్నారు.