తెలంగాణ
మహబూబాబాద్ కలెక్టరేట్లో పిల్లల ప్రజావాణి
17-11-2026 10:29
మహబూబాబాద్ కలెక్టరేట్లో బాలల హక్కుల వారోత్సవాల్లో భాగంగా పిల్లల ప్రజావాణి నిర్వహించారు. అదనపు కలెక్టర్ అనిల్ కుమార్కు విద్యార్థులు తమ పాఠశాలల్లోని మౌలిక వసతుల కొరత, బ్యాగుల బరువు తదితర సమస్యలపై వినతిపత్రాలు అందజేశారు.
xPress24, MAHABUBABAD, November 16,
బాలల హక్కుల వారోత్సవాలను పురస్కరించుకుని మహబూబాబాద్ జిల్లా కేంద్రంలోని కలెక్టరేట్లో పిల్లల ప్రజావాణి కార్యక్రమాన్ని నిర్వహించారు. జిల్లా నలుమూలల నుంచి తరలివచ్చిన విద్యార్థులు తమ పాఠశాలల్లో ఎదుర్కొంటున్న సమస్యలను అదనపు కలెక్టర్ అనిల్ కుమార్ దృష్టికి తీసుకెళ్లి వినతిపత్రాలు సమర్పించారు. పాఠశాలలకు వెళ్లేటప్పుడు పుస్తకాల బ్యాగుల అధిక బరువును మోయలేక ఇబ్బందులు పడుతున్నామని, ఇంటికి చేరుకునే సరికి అలసిపోతున్నామని విద్యార్థులు తెలిపారు. కొన్ని పాఠశాలల్లో 3, 4 తరగతుల విద్యార్థులను ఒకే గదిలో కూర్చోబెట్టి బోధిస్తున్నారని వివరించారు.
మౌలిక వసతుల కల్పనకు విజ్ఞప్తి
200 నుంచి 250 మంది విద్యార్థులకు 1 నుంచి 3 వరకు మాత్రమే మరుగుదొడ్లు ఉండటంతో ఇబ్బందులు ఎదుర్కొంటున్నామని విద్యార్థులు పేర్కొన్నారు. పలు పాఠశాలలకు ప్రహరీ గోడలు లేకపోవడంతో భద్రతా సమస్యలు తలెత్తుతున్నాయని, ఆవరణలో కోతుల బెడద అధికంగా ఉందని తెలిపారు. విద్యార్థుల సంఖ్యకు అనుగుణంగా అదనపు తరగతి గదులు, మరుగుదొడ్లు నిర్మించాలని, ప్రహరీ గోడలు ఏర్పాటు చేయాలని, కోతుల బెడద నివారణకు చర్యలు తీసుకోవాలని కోరారు. పుస్తకాల బ్యాగుల బరువు తగ్గించి భారం నుంచి విముక్తి కల్పించాలని ప్రభుత్వానికి విజ్ఞప్తి చేశారు.
బైట్ - షేక్ అసిఫా; షేక్ హనీఫా మీరన్