మహర్షి వాల్మీకి అందించిన సేవలు చిరస్మరణీయం: కలెక్టర్ తేజస్ నంద్ లాల్ పవార్

xPress24, Hyderabad, October 26, సూర్యాపేట జిల్లాలో మహర్షి వాల్మీకి జయంతి ని ఘనంగా నిర్వహించారు. మహర్షి వాల్మీకి చిత్రపటానికి జిల్లా కలెక్టర్ తేజస్ నంద్ లాల్ పవార్, పూలమాల వేసి నివాళులర్పించారు. ఈ కార్యక్రమంలో అదనపు కలెక్టర్ హరి సింగ్ తో పాటు జిల్లాలోని వివిధ శాఖల అధికారులు పాల్గొన్నారు.  ఈ సందర్భంగా జిల్లా కలెక్టర్ తేజస్ నంద్ లాల్ పవార్ మాట్లాడుతూ, మహర్షి వాల్మీకి అందించిన సేవలు చిరస్మరణీయమని పేర్కొన్నారు. రామాయణం ద్వారా ధర్మం, సత్యం, నీతి, మానవతా విలువలను సమాజానికి అందించిన మహనీయుడు వాల్మీకి అని కొనియాడారు. వాల్మీకి మహర్షి చూపిన ఆధ్యాత్మిక మార్గంలో నేటి తరం నడుచుకోవాలని, ఆయన ఆశయాలను కొనసాగించాలని కలెక్టర్ పిలుపునిచ్చారు. బైట్ తేజస్ నంద్ లాల్ పవార్, సూర్యాపేట జిల్లా కలెక్టర్