రాజమహేంద్రవరంలో ప్రత్యేక శిబిరం

xPress24, RAJAMAHENDRAVARAM, October 24, విజయవాడ రైల్వే డివిజన్‌ ఆధ్వర్యంలో రాజమహేంద్రవరంలో దక్షిణ కోస్తా రైల్వే సిబ్బంది విభాగం ఆధ్వర్యంలో ఆరోగ్య సంబంధిత ఫిర్యాదుల పరిష్కార శిబిరం నిన్న నిర్వహించారు. ఈ సందర్భంగా దక్షిణ కోస్తా రైల్వే ప్రజా సంబంధాల అధికారి నుస్రత్ ఎం. మాండ్రూప్‌కర్ మాట్లాడుతూ..ఉద్యోగ సంబంధిత సమస్యల పరిష్కారంతో పాటు, ఆరోగ్య పరిరక్షణకు అవసరమైన సూచనలు అందించడంలో ఈ శిబిరం ఉపయోగపడిందని  తెలిపారు. హెచ్‌ఆర్‌ఎంఎస్‌, యూఎంఐడీ, జాతీయ పింఛను పథకం, అలవెన్సులు, ఇంక్రిమెంట్లు, సెలవులు, పాస్‌లు, ఉద్యోగ విరమణ ప్రయోజనాలు, బదిలీలు తదితర అంశాలకు సంబంధించి మొత్తం 175 ఫిర్యాదులు, అభ్యర్థనలు వచ్చినట్లు వివరించారు.