‘రైతు పొలాల్లోకి ఆవిష్కరణలు’ కార్యక్రమం

xPress24, Hyderabad, October 22, ఎల్‌నినో పరిస్థితుల నేపథ్యంలో రైతులకు సహకారాన్ని అందించేలా తెలంగాణలో గురువారం   నుంచి ‘రైతు పొలాల్లోకి ఆవిష్కరణలు’ కార్యక్రమం ప్రారంభం కానుంది. ఆచార్య జయశంకర్‌ రాష్ట్ర వ్యవసాయ విశ్వవిద్యాలయం ఆధ్వర్యంలో నిర్వహించనున్న ఈ కార్యక్రమాన్ని  రాష్ట్ర వ్యవసాయశాఖ మంత్రి తుమ్మల నాగేశ్వరరావు, భారత వ్యవసాయ పరిశోధన మండలి (ఐసీఏఆర్‌) డైరెక్టర్‌ జనరల్‌ మంగీలాల్‌ జాట్‌  ప్రారంభించనున్నారు. రాష్ట్ర వ్యవసాయ, ఉద్యాన శాఖలు సహకారంతో ఈ నెల 31 వరకు రాష్ట్రవ్యాప్తంగా 12 పరిశోధన కేంద్రాల పరిధిలో  ఎల్‌నినో ప్రభావంతో వరి సాగు విస్తీర్ణం, సాగునీటి కొరత, చీడపీడల సమస్యలు, రైతులకు ఆధునిక వ్యవసాయ పద్ధతులపై అవగాహన కల్పించనున్నారని అధికారులు తెలిపారు.  అలాగే సాగు ఖర్చులను తగ్గించి, రైతుల నికర ఆదాయాన్ని పెంచే పద్ధతులపై సూచనలు అందించనున్నారు.