విద్యా రంగానికి ఆజాద్ చేసిన సేవలు చిరస్మరణీయం: మేయర్ కొలగాని

xPress24, Karimnagar, November 12, దేశ తొలి కేంద్ర విద్యాశాఖ మంత్రి మౌలానా అబుల్ కలాం ఆజాద్ జయంతి వేడుకలను కరీంనగర్ జిల్లా వ్యాప్తంగా ఘనంగా నిర్వహించారు. కరీంనగర్ నగరపాలక సంస్థ కార్యాలయంలో జరిగిన కార్యక్రమంలో మేయర్ కొలగాని శ్రీనివాస్ ముఖ్య అతిథిగా పాల్గొని ఆజాద్ చిత్రపటానికి పూలమాలలు వేసి నివాళులర్పించారు. స్వాతంత్య్రానంతరం నెహ్రూ మంత్రివర్గంలో తొలి విద్యాశాఖ మంత్రిగా పనిచేసి దేశ విద్యాభివృద్ధికి ఆజాద్ ఎంతో కృషి చేశారని గుర్తు చేసుకున్నారు. జాతీయ విద్యా దినోత్సవం ఆజాద్ విద్యా రంగానికి అందించిన సేవలకు గుర్తింపుగా దేశవ్యాప్తంగా నవంబర్ 11వ తేదీని జాతీయ విద్యా దినోత్సవంగా జరుపుకోవడం సంతోషదాయకమని మేయర్ కొలగాని శ్రీనివాస్ పేర్కొన్నారు. స్వాతంత్య్ర ఉద్యమంలో కీలకంగా పోరాడటంతో పాటు ఆనాడు దేశ విభజనను ఆజాద్ బలంగా వ్యతిరేకించారని తెలిపారు. ఉచిత విద్య, యూజీసీ ఏర్పాటులో కీలక పాత్ర 14 ఏళ్ల లోపు పిల్లలకు ఉచిత, నిర్బంధ ప్రాథమిక విద్య అందేందుకు ఆజాద్ ఎంతో కృషి చేశారని మేయర్ వివరించారు. ఉన్నత విద్య, సాంకేతిక విద్యాభివృద్ధితో పాటు యూనివర్సిటీ గ్రాంట్స్ కమిషన్ (UGC) ఏర్పాటులో ఆయన కీలక పాత్ర పోషించారని తెలిపారు. ఈ కార్యక్రమంలో నగరపాలక సంస్థ కమిషనర్ ప్రఫుల్ దేశాయ్, కార్పొరేటర్లు, ముస్లిం నాయకులు, అధికారులు పాల్గొన్నారు. బైట్ - కొలగాని శ్రీనివాస్, మేయర్, కరీంనగర్ నగరపాలక సంస్థ