విద్యుత్ సరఫరా పునరుద్ధరణ పనులను వేగవంతం

xPress24, Amaravathi, October 31, తుపాను ప్రభావిత ప్రాంతాల్లో విద్యుత్ సరఫరా పునరుద్ధరణ పనులను వేగవంతం చేయాలని విద్యుత్ శాఖ మంత్రి గొట్టిపాటి రవికుమార్ అధికారులను ఆదేశించారు. ఈ మేరకు అధికారులతో శ్రవణ మాధ్యమ సమావేశాన్ని మంత్రి ఈ ఉదయం నిర్వహించి, విద్యుత్ పునరుద్ధరణ పనుల పురోగతిని సమీక్షించారు. రేపు సాయంత్రంలోగా ప్రభావిత ప్రాంతాలన్నింటిలో విద్యుత్ సరఫరాను పూర్తిస్థాయిలో పునరుద్ధరించాలని స్పష్టం చేశారు. వర్షాల కారణంగా కొన్ని ప్రాంతాల్లో పునరుద్ధరణ పనులకు ఆటంకాలు ఎదురవుతున్నాయని అధికారులు మంత్రికి వివరించారు. అయినప్పటికీ ప్రత్యామ్నాయ చర్యలు చేపట్టి పనులను వేగవంతం చేయాలని మంత్రి సూచించారు. ముఖ్యంగా ఆక్వా రంగానికి విద్యుత్ సరఫరాలో అంతరాయం లేకుండా తక్షణమే పునరుద్ధరణ చర్యలు చేపట్టాలని ఆదేశించారు.