వనపర్తి ఐడీఓసీలో ఘనంగా పండుగ సాయన్న జయంతి వేడుకలు - పాల్గొన్న ఎమ్మెల్యే మేఘా రెడ్డి, కలెక్టర్

వనపర్తి ఐడీఓసీలో నిర్వహించిన పండుగ సాయన్న జయంతి వేడుకల్లో ఎమ్మెల్యే తూడి మేఘా రెడ్డి, కలెక్టర్ ఆదర్శ్ సురభి పాల్గొని ఆయన చిత్రపటానికి నివాళులర్పించారు. సాయన్న ధైర్యసాహసాలు, ప్రజా సంక్షేమ నిబద్ధత అందరికీ నిదర్శనమని ఎమ్మెల్యే కొనియాడారు. అణగారిన వర్గాల హక్కుల కోసం పోరాడి ప్రజల మన్ననలు పొందిన మహనీయుడు సాయన్న అని వారిద్దరూ పేర్కొన్నారు.