వైఫల్యాలను కప్పిపుచ్చుకునేందుకే కాంగ్రెస్ అసత్య ప్రచారాలు: రామచందర్ రావు

xPress24, Hyderabad, October 30, ఢిల్లీ ర్యాలీకి వెళ్లే కాంగ్రెస్ కార్యకర్తలను పోలీసులు ఎక్కడికక్కడ అడ్డుకుంటున్నారంటూ కాంగ్రెస్ నేతలు అసత్య ప్రచారం చేస్తున్నారని బీజేపీ రాష్ట్ర అధ్యక్షుడు రామచందర్ రావు ఆరోపించారు. హైదరాబాద్‌లో ఏర్పాటు చేసిన మీడియా సమావేశంలో ఆయన మాట్లాడుతూ.. కాంగ్రెస్ నేతలను ఎవరూ అడ్డుకోవడం లేదని, వారు ఎక్కడికైనా వెళ్లే స్వేచ్ఛ ఉందంటూ స్పష్టం చేశారు. సభకు ప్రజల నుంచి ఎలాంటి స్పందన రాకపోవడాన్ని, తమ వైఫల్యాలను కప్పిపుచ్చుకునేందుకే ఇలాంటి నిందారోపణలు చేస్తున్నారని విమర్శించారు. రాజ్యాంగ వ్యవస్థలపై నిరాధార ఆరోపణలు దేశవ్యాప్తంగా ఓటర్ల జాబితా ప్రత్యేక పరిశీలన అత్యంత పారదర్శకంగా జరిగిందని, స్వయంగా కర్ణాటకకు చెందిన కాంగ్రెస్ మంత్రే ఓట్ల తొలగింపు ఏమీ జరగలేదని అంగీకరించారని రామచందర్ రావు గుర్తుచేశారు. ఎన్నికల సంఘం, సుప్రీంకోర్టు వంటి అత్యున్నత రాజ్యాంగబద్ధ వ్యవస్థలపైనా కాంగ్రెస్ నేతలు నిరాధార ఆరోపణలు చేస్తున్నారని విమర్శించారు. ప్రజల్లో గందరగోళానికి కుట్ర అర్థం లేని అంశాలను తెరపైకి తెస్తూ ప్రజల్లో తీవ్ర గందరగోళాన్ని సృష్టించేందుకు కాంగ్రెస్ నేతలు ప్రయత్నిస్తున్నారని ఆయన పేర్కొన్నారు. ప్రజల దృష్టిని మళ్లించేందుకే ఇటువంటి వ్యాఖ్యలు చేస్తున్నారని వెల్లడించారు. బైట్ - రామచందర్ రావు, బీజేపీ రాష్ట్ర అధ్యక్షుడు