వాల్మీకి సందేశాలు దేశ ప్రజలకు ఎల్లప్పుడూ మార్గదర్శకం: ప్రధాని నరేంద్ర మోదీ

xPress24, Delhi, October 26, మహర్షి వాల్మీకి ఆలోచనలు, ఉపదేశాలు భారతీయ సంస్కృతి, వారసత్వానికి ప్రాథమిక మూలస్తంభాలని ప్రధాని నరేంద్ర మోడీ కొనియాడారు. వాల్మీకి జయంతి సందర్భంగా ప్రధాని  ‘X’ వేదికగా నివాళులర్పించారు. దేశ ప్రజలందరికీ వాల్మీకి జయంతి శుభాకాంక్షలు తెలిపారు. వాల్మీకి ఉన్నతమైన ఆలోచనలు భారతీయ సంస్కృతి, వారసత్వానికి మూలస్తంభాలుగా నిలుస్తాయని, ప్రతి యుగంలోనూ దేశాన్ని ముందుకు నడిపించడానికి, సుసంపన్నం చేయడానికి దోహదపడుతాయని అన్నారు. మానవాళికి ఆయన అందించిన అమూల్యమైన సందేశాలు ఈ దేశ ప్రజలకు ఎల్లప్పుడూ మార్గదర్శకంగా నిలుస్తాయి అని ప్రధాని మోడీ పేర్కొన్నారు.