శ్రీహరికోట నుంచి నేడు ఇస్రో కీలక ప్రయోగం

xPress24, Sriharikota, October 30, తిరుపతి: భారత అంతరిక్ష పరిశోధనా సంస్థ (ఇస్రో) మరో కీలక ప్రయోగానికి సిద్ధమైంది. జీఎస్‌ఎల్‌వీ-ఎఫ్18 రాకెట్‌ ద్వారా ఎన్వీఎస్‌-03 నావిగేషన్ ఉపగ్రహాన్ని ఈరోజు రాత్రి 11.51 గంటలకు ప్రయోగించనుంది. తిరుపతి జిల్లాలోని శ్రీహరికోట సతీష్ ధావన్ అంతరిక్ష కేంద్రం నుంచి రెండో ప్రయోగ వేదికపై ఈ ప్రయోగాన్ని చేపట్టనున్నారు. భారత జియోసింక్రోనస్ శాటిలైట్ లాంచ్ వెహికల్ (జీఎస్‌ఎల్‌వీ)కు ఇది 20వ ప్రయోగం కానుంది. ఈ రాకెట్ ఎన్వీఎస్‌-03 ఉపగ్రహాన్ని జియోసింక్రోనస్ ట్రాన్స్‌ఫర్ ఆర్బిట్‌ (జీటీఓ)లోకి ప్రవేశపెట్టనుంది. భారత స్వదేశీ నావిగేషన్ వ్యవస్థను మరింత బలోపేతం చేయడమే ఈ ఉపగ్రహ ప్రయోగం ప్రధాన లక్ష్యమని ఇస్రో శాస్త్రవేత్తలు వెల్లడించారు.