సింగరేణి అభివృద్ధికి ప్రత్యేక కార్యాచరణ

xPress24, Hyderabad, October 26, సింగరేణి సంస్థను మరింత బలోపేతం చేసి, మరింత  అభివృద్ధి చేసేందుకు ప్రత్యేక దృష్టి సారిస్తామని తెలంగాణ ఉప ముఖ్యమంత్రి భట్టి విక్రమార్క తెలిపారు. హైదరాబాద్‌లోని ప్రజాభవన్‌లో సింగరేణి సంస్థకు చెందిన 66 మంది జనరల్ మేనేజర్లతో ఆయన ఆదివారం  సమీక్షా సమావేశం నిర్వహించారు. ఈ సందర్భంగా సంస్థ పనితీరు, బొగ్గు ఉత్పత్తి, రవాణా, ఉత్పాదకత పెంపుపై అధికారులతో చర్చించారు. బొగ్గు ఉత్పత్తిని పెంచడంతో పాటు, ఉత్పత్తి చేసిన బొగ్గును వేగంగా గమ్యస్థానాలకు చేరవేసేలా చర్యలు తీసుకోవాలని జనరల్ మేనేజర్లకు సూచించారు. సంస్థ సామర్థ్యాన్ని మరింత పెంచి, కార్యాచరణను మెరుగుపరచడం ద్వారా నిర్దేశించిన లక్ష్యాలను సాధించాలని భట్టి విక్రమార్క స్పష్టం చేశారు.