స్థానిక సంస్థల ఎన్నికలపై ఎస్ఈసీ నిర్ణయానికి కట్టుబడి ఉంటాం : ఎన్డీఏ కూటమి

xPress24, Amaravati, October 22, ఆంధ్రప్రదేశ్ లో  స్థానిక సంస్థల ఎన్నికల నిర్వహణపై రాష్ట్ర ఎన్నికల సంఘం తీసుకునే నిర్ణయానికి కట్టుబడి ఉంటామని ఎన్డీఏ కూటమి తెలిపింది. ఈ మేరకు ముఖ్యమంత్రి నారా చంద్రబాబు నాయుడు, ఉప ముఖ్యమంత్రి కె.పవన్ కళ్యాణ్, బీజేపీ ఆంధ్రప్రదేశ్  అధ్యక్షులు  పీవీఎన్ మాధవ్ పేర్లతో  ఒక ఉమ్మడి పత్రికా ప్రకటన విడుదల చేసింది.నిర్ణీత గడువులోగా ఎన్నికలు నిర్వహించడం ద్వారా కేంద్రం నుంచి 16వ ఆర్థిక సంఘం నిధులు పొందేందుకు అవకాశం ఉంటుందని తెలిపారు. ఎన్నికలు పారదర్శకంగా, ప్రజాస్వామ్యబద్ధంగా, ప్రశాంతంగా జరిగేందుకు తమ వంతు సహకారం అందిస్తామని వెల్లడించారు. ప్రజలు స్వేచ్ఛగా తమకు నచ్చిన నాయకులను ఎన్నుకునేలా ఎన్నికల ప్రక్రియ కొనసాగాలని ఉమ్మడి ప్రకటనలో పేర్కొన్నారు.