సోనియా గాంధీ పుస్తకంపై బీజేపీ విమర్శలు: ఎమర్జెన్సీని సమర్థించే యత్నమని ఆరోపణ

xPress24, Delhi, November 10, కాంగ్రెస్ నాయకురాలు సోనియా గాంధీ రాసిన 'బిలాంగింగ్ : ఎ జర్నీ ఆఫ్ లవ్' పుస్తకంలోని అంశాలపై బీజేపీ అభ్యంతరం వ్యక్తం చేసింది. 1975 నాటి ఎమర్జెన్సీ విధింపును ఈ పుస్తకం ద్వారా సమర్థించుకునేందుకు యత్నిస్తున్నారని బీజేపీ ఆరోపించింది. కాంగ్రెస్ చేసిన తప్పులను, రాజ్యాంగ ఉల్లంఘనలను కప్పిపుచ్చుకునేందుకే ఈ పుస్తకాన్ని తెచ్చారని బీజేపీ జాతీయ కార్యదర్శి సి.ఆర్. కేశవన్ విమర్శించారు. దీనికి ‘బిలాంగింగ్’ బదులు ‘వైట్‌వాషింగ్’ అని పేరు పెట్టడం సబబుగా ఉండేదని పేర్కొన్నారు. హక్కుల కాలరాతను సమర్థిస్తారా.. కాంగ్రెస్‌పై విమర్శలు ఎమర్జెన్సీ సమయంలో ప్రజల ప్రాథమిక హక్కులను కాలరాశారని, ప్రతిపక్ష నేతలను జైళ్లలో నిర్బంధించారని కేశవన్ గుర్తుచేశారు. నాటి నియంతృత్వ కాలాన్ని కప్పిపుచ్చేందుకు సోనియా గాంధీ ప్రయత్నిస్తున్నారని ఆరోపించారు. నిత్యం రాజ్యాంగ పరిరక్షణ మాట్లాడే రాహుల్ గాంధీ, కాంగ్రెస్ నేతలు తమ కుటుంబం రాసిన పుస్తకంలో ఎమర్జెన్సీని ఎలా సమర్థిస్తారని ఆయన ప్రశ్నించారు. చరిత్రను వక్రీకరించి ప్రజలను తప్పుదోవ పట్టించలేరని స్పష్టం చేశారు. బైట్స్ సి.ఆర్. కేశవన్, జాతీయ కార్యదర్శి, బీజేపీ