సెప్టెంబర్ 27 (ఆదివారం) రోజున బ్యాంకులు పనిచేస్తాయి

xPress24, Paravathipuram, September 25, పార్వతీపురం మన్యం జిల్లా-ఈ నెల 28 నుండి 30 వరకు బ్యాంకు ఉద్యోగుల సమ్మె ఉన్నందున, ప్రజల సౌకర్యార్థం ఈ ఆదివారం సెప్టెంబర్ 27వ తేదీన జిల్లాలోని అన్ని బ్యాంకులు యథావిధిగా పనిచేస్తాయని లీడ్ డిస్ట్రిక్ట్ మేనేజర్ సోమశేఖర్ తెలిపారు. ఈ మేరకు ఈరోజు ఆయన ఒక ప్రకటన విడుదల చేశారు. రిజర్వ్ బ్యాంక్ ఆఫ్ ఇండియా మార్గదర్శకాలకు అనుగుణంగా,  జిల్లా కలెక్టర్ డా ఎన్. ప్రభాకర రెడ్డి ఆదేశాల మేరకు ఈ నిర్ణయం తీసుకున్నట్లు పేర్కొన్నారు. ఆదివారం నాడు అన్ని ప్రభుత్వ రంగ బ్యాంకులు, ప్రాంతీయ గ్రామీణ బ్యాంకులు  సాధారణ పనివేళల్లో తెరిచి ఉంటాయని స్పష్టం చేశారు. వరుస సమ్మె కారణంగా బ్యాంకింగ్ సేవలకు అంతరాయం కలిగే అవకాశం ఉన్నందున, ఖాతాదారులు మరియు ప్రజలు ఈ అవకాశాన్ని వినియోగించుకుని తమ ఆర్థిక లావాదేవీలను ముందే పూర్తి చేసుకోవాలని కోరారు.