సాలూరులో స్ట్రాంగ్ రూమ్, కౌంటింగ్ కేంద్రాలను పరిశీలించిన సబ్ కలెక్టర్

xPress24, Saluru, October 23, పార్వతీపురం మన్యం జిల్లా, అక్టోబర్ 23: సాలూరు మున్సిపల్ ఎన్నికలతో పాటు ఎంపీటీసీ, జెడ్పీటీసీ ఎన్నికలకు సంబంధించి సాలూరులోని స్థానిక ప్రభుత్వ డిగ్రీ కళాశాలలో ఏర్పాటు చేసిన స్ట్రాంగ్ రూమ్, కౌంటింగ్ కేంద్రాలను పార్వతీపురం సబ్ కలెక్టర్ సచిన్ అర్చిత్ రహార్ శుక్రవారం పరిశీలించారు. ఈ సందర్భంగా స్ట్రాంగ్ రూమ్‌ల భద్రతా ఏర్పాట్లు, కౌంటింగ్ కేంద్రాల్లో అవసరమైన మౌలిక వసతులను ఆయన క్షుణ్ణంగా పరిశీలించారు. ఎన్నికల నిర్వహణకు సంబంధించి తీసుకోవాల్సిన జాగ్రత్తలు, కేంద్రాల్లో కల్పించాల్సిన సదుపాయాలపై సంబంధిత అధికారులకు పలు సూచనలు చేశారు. ఎన్నికల ప్రక్రియ సజావుగా జరిగేలా అవసరమైన ఏర్పాట్లను పకడ్బందీగా చేపట్టాలని అధికారులకు సూచించారు.