స్వచ్ఛ సర్వేక్షణ్ అవార్డుపై ముఖ్యమంత్రి హర్షం

xPress24, Amaravathi, November 12, రాష్ట్రంలోని విశాఖపట్నం, విజయవాడ, రాజమండ్రి, గుంటూరు, తిరుపతి నగరపాలక సంస్థలు, కుప్పం మున్సిపాలిటీ స్వచ్ఛ సర్వేక్షణ్ అవార్డులను సాధించడం పట్ల ముఖ్యమంత్రి నారా చంద్రబాబు నాయుడు హర్షం వ్యక్తం చేశారు. పారిశుద్ధ్య కార్మికులు, సిబ్బంది, ఉద్యోగులు, అధికారుల శ్రమ, పనితీరు వల్లనే ఈ ఘనత సాధ్యమైందని సామాజిక మాధ్యమం ఎక్స్ వేదికగా పేర్కొన్నారు. జాతీయ స్థాయిలో 6 అవార్డులు దక్కించుకోవడం గర్వకారణమన్నారు. ఇదే స్పూర్తితో స్వచ్ఛాంధ్ర సాధనకు అంతా కలిసి పనిచేద్దామని పిలుపునిచ్చారు.