సహాయక చర్యలు, పునరుద్ధరణ పనులపై సమీక్ష

xPress24, Amravati, October 30, తుఫాను ప్రభావిత ప్రాంతాల్లో సాధారణ పరిస్థితులు నెలకొనే వరకు సహాయక, పునరుద్ధరణ పనులను నిరంతరం కొనసాగించాలని ఆంధ్రపదేశ్  ముఖ్యమంత్రి నారా చంద్రబాబు నాయుడు అధికారులను ఆదేశించారు. ఓర్నబ్ తుఫాను సహాయక చర్యలు, పునరుద్ధరణ పనులపై అమరావతిలోని  ఉండవల్లి క్యాంపు కార్యాలయంలో గురువారం ముఖ్యమంత్రి సమీక్ష నిర్వహించారు. ఈ సందర్భంగా  చంద్రబాబు నాయుడు మాట్లాడుతూ, విద్యుత్ పునరుద్ధరణ పనులను మరింత వేగవంతం చేయాలని  సూచించారు. అవసరమైతే ఇతర ప్రాంతాలు, రాష్ట్రాల నుంచి అదనపు సిబ్బందిని రప్పించి సేవలను వినియోగించుకోవాలని ఆదేశించారు. మొబైల్ నెట్‌వర్క్ పునరుద్ధరణలో టెలికాం సంస్థలు వేగంగా  చర్యలు చేపట్టాలని ఆదేశించారు.