హైదరాబాద్‌ బుక్‌ ఫెయిర్‌ డిసెంబరు 18 నుంచి 28 వరకు.. 320 పుస్తక ప్రదర్శన స్టాళ్లు

హైదరాబాద్‌ బుక్‌ ఫెయిర్‌ డిసెంబరు 18 నుంచి 28 వరకు ఎన్టీఆర్‌ స్టేడియంలో జరగనుంది. రాష్ట్ర ప్రభుత్వ సాంస్కృతిక వ్యవహారాల శాఖ, బుక్‌ ఫెయిర్‌ కమిటీ సంయుక్తంగా దీన్ని నిర్వహిస్తున్నాయి. హైదరాబాద్‌ దేశోద్ధారక భవన్‌లో కమిటీ ప్రతినిధులు నిన్న లోగోను ఆవిష్కరించారు. ప్రదర్శనలో 320 స్టాళ్లు ఏర్పాటు చేస్తామని, స్టాళ్ల కోసం ఈ నెల 14 వరకు గూగుల్‌ ఫాం ద్వారా దరఖాస్తు చేసుకోవచ్చని తెలిపారు. పదిరోజుల పాటు సాహిత్య, సాంస్కృతిక కార్యక్రమాలతో పాటు, నేషనల్‌ బుక్‌ ట్రస్ట్‌ సహకారంతో బాలల కార్యక్రమాలు ఉంటాయి.