హైదరాబాద్‌లో ఘనంగా ముగిసిన విజయదశమి ఉత్సవాలు

xPress24, Hyderabad, October 21, హైదరాబాద్ నగరంలో విజయదశమి వేడుకలు ఘనంగా ముగిసాయి. దసరా పండుగను పురస్కరించుకుని నగరంలోని పలు ప్రాంతాల్లో ప్రత్యేక పందిళ్లను ఏర్పాటు చేశారు. శరన్నవరాత్రుల సందర్భంగా 9 రోజుల పాటు వివిధ అలంకరణల్లో దర్శనమిచ్చిన దుర్గామాత విగ్రహాల నిమజ్జనం కార్యక్రమం ప్రశాంతంగా పూర్తయింది. విశేష పూజలందుకున్న అమ్మవారు నవరాత్రుల ఉత్సవాల్లో భాగంగా నగరంలోని మండపాల్లో దుర్గాదేవికి భక్తులు ప్రత్యేక పూజలు, హోమాలు నిర్వహించారు. తొమ్మిది రోజుల పాటు ప్రతిరోజూ వివిధ రూపాల్లో అమ్మవారు భక్తులకు దర్శనమిచ్చారు. విజయదశమి పండుగ ముగియడంతో భక్తులు వేడుకగా శోభాయాత్రలు నిర్వహించారు. హుస్సేన్ సాగర్‌లో నిమజ్జనం నవరాత్రుల్లో పూజలందుకున్న దుర్గాదేవి విగ్రహాలను హుస్సేన్ సాగర్‌కు తరలించి నిమజ్జనం చేశారు. నిమజ్జన ప్రక్రియ సజావుగా సాగేందుకు అధికారులు, పోలీసులు అవసరమైన అన్ని భద్రతా ఏర్పాట్లు చేపట్టారు.