CSIR 85వ వ్యవస్థాపక దినోత్సవం -జితేంద్ర సింగ్

గత దశాబ్ద కాలంలో భారతదేశం ఆవిష్కరణలు, పరిశోధనలలో గణనీయమైన వృద్ధిని సాధించిందని కేంద్ర శాస్త్ర, సాంకేతిక శాఖ మంత్రి డాక్టర్ జితేంద్ర సింగ్ అన్నారు. న్యూఢిల్లీలో కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ (CSIR) 85వ వ్యవస్థాపక దినోత్సవంలో ఆయ‌న ఈరోజు పాల్గొని మాట్లాడుతూ... గత 5, 6 దశాబ్దాలతో పోలిస్తే గడచిన‌ పదేళ్లలోనే దేశంలో అధిక ఆవిష్కరణలు, పరిశోధన కార్యకలాపాలు, కొత్త ప్రయోగశాలల స్థాపన జరిగాయన్నారు. సాంకేతికత పట్ల ప్రధానమంత్రి నరేంద్ర మోదీ నిబద్ధతను ప్రస్తావిస్తూ... దేశ సార్వభౌమాధికారాన్ని కాపాడటానికి సాంకేతిక సార్వభౌమాధికారాన్ని నిలబెట్టుకోవడం అత్యవసరమని చెప్పారు. 2047 నాటికి విక‌సిత్ భారత్ సాధించాలన్న ప్రధానమంత్రి మోదీ దార్శనికతలో.. భవిష్యత్‌ సాంకేతిక అవసరాలను తీర్చే దిశగా CSIR పని చేయాలని జితేంద్ర సింగ్ ఆకాంక్షించారు.