అందరి భాగస్వామ్యంతోనే వికసిత్ భారత్ సాధన: ప్రధాని మోదీ

xPress24, Delhi, September 25, ప్రతి ఒక్కరి సహకారం, క్రియాశీలక భాగస్వామ్యంతోనే వికసిత్ భారత్ లక్ష్యాన్ని సాధించగలమని ప్రధాన మంత్రి నరేంద్ర మోదీ పేర్కొన్నారు. సేవా సంకల్ప్ అభియాన్ కార్యక్రమంలో భాగంగా వారణాసి నుంచి వద్నగర్ వరకు యాత్ర నిర్వహిస్తున్న సేవా యాత్రికులతో ఆయన వర్చువల్ వేదికగా సంభాషించారు. తనకు జీవిత విలువలను నేర్పింది వద్నగర్ అని, కాశీ నగరం ఆ విలువలకు సేవాభావాన్ని జోడించిందని పేర్కొన్నారు. యువత కూడా ఈ యాత్రలో ఉత్సాహంగా పాల్గొని సేవా భావంతో ముందుకు సాగడం సంతోషకరమని అభిప్రాయపడ్డారు. గ్రామాలు, పట్టణాల మధ్య తగ్గిన దూరం గత 12 సంవత్సరాలలో దేశంలోని గ్రామాలు, పట్టణాల మధ్య వ్యత్యాసం గణనీయంగా తగ్గిందని ప్రధాని మోదీ తెలిపారు. ప్రస్తుతం గ్రామాలలో మౌలిక వసతులు మెరుగుపడ్డాయని, దేశంలోని మహిళలలో స్వయం సమృద్ధి పెరిగిందని వెల్లడించారు. పండిట్ దీనదయాల్ ఉపాధ్యాయ జన్మదినం సందర్భంగా ఆయన చూపిన సేవ, సమతుల్యత, సహనం, సమన్వయం, సానుకూలత, సున్నితత్వం, సంభాషణ అనే ఏడు సూత్రాలను గుర్తుచేశారు. ఈ మార్గంలో నడవడాన్ని ప్రతి కార్యకర్త గర్వంగా భావిస్తారని తెలిపారు. యాత్రికుల అనుభవాలు, సూచనలు ఈ వర్చువల్ సంభాషణ సందర్భంగా యాత్రికులు తమ ప్రయాణ అనుభవాలను ప్రధానితో పంచుకున్నారు. యాత్రలో ఎదురైన అనుభవాలను ప్రతి ఒక్కరూ డైరీలో నమోదు చేసుకోవాలని ప్రధాని సూచించారు. దేశ అభివృద్ధికి ప్రతి పౌరుడు తన వంతు బాధ్యత నిర్వర్తించాలని పిలుపునిచ్చారు. బైట్ - నరేంద్ర మోదీ, ప్రధాన మంత్రి