అధికారులు అప్రమత్తంగా వ్యవహరించాలి

xPress24, Kurnool, October 19, ఆంధ్రప్రదేశ్‌లో ఎన్నికల విధుల నిర్వహణలో ఎలాంటి పొరపాట్లకు తావులేకుండా అధికారులు అప్రమత్తంగా వ్యవహరించాలని కర్నూలు జిల్లా ఎన్నికల సాధారణ పరిశీలకుడు బి. అనిల్ కుమార్ రెడ్డి సూచించారు. కర్నూలులో ప్రిసైడింగ్, సహాయ ప్రిసైడింగ్ అధికారులకు నిర్వహిస్తున్న శిక్షణ తరగతులను ఆయన నిన్న పరిశీలించారు. నగరపాలక సంస్థ కార్యాలయంలో మేయర్ స్థానానికి, 59, 60, 61 వార్డులకు సంబంధించిన నామినేషన్ల స్వీకరణ ప్రక్రియను పరిశీలించారు. ఎన్నికల సంఘం మార్గదర్శకాలను పూర్తిగా అవగాహన చేసుకొని బాధ్యతలు నిర్వర్తించాలని సూచించారు. ఎన్నికల ప్రక్రియ పారదర్శకంగా సాగేలా సమన్వయంతో పనిచేయాలని చెప్పారు.