అన్న క్యాంటీన్ పరిశీలన

xPress24, Penugonda, September 28, శ్రీసత్యసాయి జిల్లా పెనుగొండలోని అన్న క్యాంటీన్‌ను చేనేత, జౌళి మంత్రి శాఖ ఎస్.సవిత సోమవారం  ఉదయం పరిశీలించారు. ఈ సందర్భంగా క్యాంటీన్‌లో అల్పాహారం చేస్తున్న ప్రజలతో మంత్రి మాట్లాడి, ఆహార నాణ్యత, భోజన వసతులు, క్యాంటీన్‌లోని సౌకర్యాలపై వివరాలు అడిగి తెలుసుకున్నారు. అనంతరం మంత్రి సవిత ప్రజలతో కలిసి అల్పాహారం చేశారు. ఈ సందర్భంగా ఆమె మాట్లాడుతూ, అన్న క్యాంటీన్ల ద్వారా ఐదు రూపాయలకే నాణ్యమైన అల్పాహారం, భోజనం  అందించడం వల్ల ప్రజలకు ఎంతో ఉపయోగకరంగా ఉన్నాయని తెలిపారు. ప్రజలకు ఎలాంటి ఇబ్బందులు లేకుండా నాణ్యమైన ఆహారం అందేలా చర్యలు తీసుకోవాలని సిబ్బందికి సూచించారు.