అమరావతిలో క్వాంటం వ్యాలీ ట్విన్ టవర్స్‌కు శంకుస్థాపన

xPress24, Amaravati, October 13, అమరావతి: రాజధాని అమరావతిలోని ఉద్దండరాయునిపాలెంలో క్వాంటం వ్యాలీ ట్విన్ టవర్స్ నిర్మాణానికి పురపాలక, పట్టణాభివృద్ధి శాఖ మంత్రి పొంగూరు నారాయణ ఈ రోజు శంకుస్థాపన చేశారు. మొత్తం 50 ఎకరాల విస్తీర్ణంలో అభివృద్ధి చేయనున్న క్వాంటం వ్యాలీ ప్రాజెక్టులో భాగంగా 11 ఎకరాల్లో ఈ భారీ జంట టవర్లను నిర్మించనున్నారు. అత్యాధునిక సాంకేతిక పరిజ్ఞానంతో ఈ టవర్ల నిర్మాణానికి ప్రణాళికలు రూపొందించారు. ఈ ప్రాజెక్టు అమరావతిలో సాంకేతిక రంగ అభివృద్ధికి దోహదపడేలా రూపుదిద్దుకోనుంది.