ఆరోగ్యకర జీవనం కోసం ప్రతి ఒక్కరూ యోగాలో భాగస్వాములు కావాలి

యోగాతో ఆరోగ్యకరమైన జీవనం ఉంటుందని ప్రధాని పిలుపుతో ప్రతి ఒక్కరు యోగాలో భాగస్వాములు కావాలని బిజెపి ఆసిఫాబాద్ జిల్లా ప్రధాన కార్యదర్శి అరిగెల మల్లికార్జున్ యాదవ్ కోరారు. జిల్లా కేంద్రంలోని సాయిబాబా ఆలయంలో నిర్వహించిన యోగా శిక్షణకు బిజెపి పట్టణ అధ్యక్షులు ఆకుల సంతోష్ కుమార్ తో కలిసి ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ యోగా ద్వారా శారీరక ఆరోగ్యంతో పాటు మానసిక ప్రశాంతత లభిస్తుందని, నేటి బిజీ జీవనశైలిలో ప్రతి ఒక్కరూ ప్రతిరోజూ కొంత సమయం యోగాకు కేటాయించాలని సూచించారు.