ఆరోగ్యకరమైన రేపటి కోసం ఆయుర్వేదం

xPress24, Amaravati, September 23, రాష్ట్రంలోని ప్రభుత్వ ఆయుర్వేద ఆసుపత్రులు, ఔషధాలయాల అభివృద్ధికి ప్రత్యేక ప్రాధాన్యం ఇస్తున్నామని వైద్య, ఆరోగ్య శాఖ మంత్రి సత్యకుమార్ యాదవ్ తెలిపారు. ఆయుర్వేద దినోత్సవాన్ని పురస్కరించుకొని మంత్రి ప్రకటన విడుదల చేశారు. “ఆరోగ్యకరమైన రేపటి కోసం ఆయుర్వేదం” అనే ఇతివృత్తంతో  ఈరోజు అవగాహన కార్యక్రమాలు నిర్వహిస్తున్నట్లు మంత్రి చెప్పారు. ఆరు జిల్లాల్లో 50 పడకల సమీకృత ఆయుష్‌ ఆసుపత్రుల నిర్మాణం, పరికరాల కొనుగోలుకు 27 కోట్ల రూపాయలు ఆమోదించినట్లు చెప్పారు.  విజయవాడ ఆయుర్వేద బోధనా ఆసుపత్రిలో ప్రత్యేక చికిత్సలను విస్తరించడంతో పాటు పంచకర్మ కేంద్రాల్లో ప్రత్యేక కార్యక్రమాలను అమలు చేస్తున్నట్లు మంత్రి వివరించారు.