ఆసియా క్రీడల ఫైనల్‌కు భారత పురుష, మహిళా హాకీ జట్లు

xPress24, Japan, October 1, ఆసియా క్రీడల్లో భారత హాకీ జట్లు అద్భుత ప్రదర్శనతో చరిత్ర సృష్టించేందుకు సిద్ధమయ్యాయి. మహిళల విభాగంలో నిన్న దక్షిణ కొరియాపై ఘనవిజయం సాధించిన భారత్ ఇప్పటికే స్వర్ణ పోరుకు అర్హత సాధించింది. తాజాగా చిరకాల ప్రత్యర్థి పాకిస్థాన్‌తో జరిగిన హోరాహోరీ సెమీఫైనల్ మ్యాచ్‌లో భారత పురుషుల జట్టు 4-3 గోల్స్ తేడాతో అప్రతిహత విజయం సాధించి ఫైనల్‌‌లో అడుగుపెట్టింది. తొలి అర్ధభాగంలో 3-1తో ఆధిపత్యం ప్రదర్శించిన భారత్, ద్వితీయార్ధంలో పాక్ గట్టి పోటీనిచ్చినప్పటికీ ఆఖరి నిమిషంలో విజయాన్ని సొంతం చేసుకుంది. రికార్డు విజయం, గోల్స్ వివరాలు ఈ ఉత్కంఠభరిత మ్యాచ్‌లో భారత ఆటగాడు హర్మన్‌ప్రీత్ సింగ్ రెండు గోల్స్ సాధించగా, సుఖ్‌జీత్ సింగ్, అభిషేక్ చెరో గోల్ కొట్టారు. ముఖ్యంగా ఆఖరి నిమిషంలో అభిషేక్ చేసిన అద్భుతమైన గోల్ భారత్‌ను ఫైనల్‌కు చేర్చింది. గత పదేళ్ల వ్యవధిలో పాక్‌‌పై భారత్ వరుసగా ఇరవై ఒకటి మ్యాచ్‌ల్లో విజయం సాధించడం విశేషం. ఆసియా గేమ్స్‌ చరిత్రలో ఒకే ఎడిషన్‌లో పురుషుల, మహిళల హాకీ జట్లు రెండు పసిడి పతకాలను నెగ్గిన దాఖలాలు లేవు. ఈసార ఆ అరుదైన రికార్డును సాధించే అవకాశం మన ఆటగాళ్ల ముందు నిలిచింది. ఒలింపిక్స్‌కు నేరుగా అర్హత సాధించే అవకాశం ఈ ఫైనల్ పోరులో విజయం సాధించి గోల్డ్ మెడల్ కైవసం చేసుకుంటే, రాబోయే లాస్ ఏంజెలెస్ ఒలింపిక్స్‌కు నేరుగా అర్హత సాధించే అవకాశం లభిస్తుంది. మలేసియా లేదా కొరియా మ్యాచ్‌ విజేతతో శనివారం జరిగే ఫైనల్‌లో భారత పురుషుల జట్టు తలపడనుంది. ఇక మహిళల జట్టు శుక్రవారం చైనాతో స్వర్ణం కోసం పోరాడనుంది.