ఆసియా క్రీడల్లో భారత్‌కు మరో స్వర్ణం.. ఆర్చరీ మహిళల రికర్వ్ ఈవెంట్‌లో దక్షిణ కొరియాపై భారత్ విజయం

xPress24, Japan, October 2, ఆసియా క్రీడల్లో భారత క్రీడాకారులు అద్భుత ప్రదర్శనను కొనసాగిస్తూ దేశానికి మరో స్వర్ణ పతకాన్ని అందించారు. ఆర్చరీ మహిళల రికర్వ్ ఈవెంట్‌లో భారత మహిళా జట్టు అపూర్వ విజయం సాధించి పసిడి పతకాన్ని కైవసం చేసుకుంది. భారత ఆర్చర్లు అంకిత భకత్, కీర్తి, కుంకుమ్ మొహద్‌లతో కూడిన త్రయం ఫైనల్ పోరులో బలమైన ప్రత్యర్థి దక్షిణ కొరియాపై పైచేయి సాధించి చరిత్ర సృష్టించారు ఏడో స్థానంలో భారత్.. 67కు చేరిన పతకాల సంఖ్య ఈ చారిత్రక విజయంతో ఆసియా క్రీడల పతకాల పట్టికలో భారత్ ఖాతాలోని మొత్తం పతకాల సంఖ్య 67కు చేరింది. ఇందులో 11 స్వర్ణాలు, 23 రజతాలు, 33 కాంస్య పతకాలు ఉన్నాయి. భారత అథ్లెట్లు వివిధ క్రీడా విభాగాల్లో చూపుతున్న స్థిరమైన ప్రదర్శనతో పతకాల పట్టికలో భారత్ ప్రస్తుతం ఏడో స్థానంలో కొనసాగుతోంది.