ఇంద్రకీలాద్రిపై కనకదుర్గమ్మను దర్శించుకున్న రాష్ట్రపతి

xPress24, Vijayawada, October 15, ఆంధ్రప్రదేశ్ లోని విజయవాడ ఇంద్రకీలాద్రిపై కొలువైన శ్రీ దుర్గా మల్లేశ్వర స్వామివార్ల దేవస్థానాన్ని రాష్ట్రపతి ద్రౌపది ముర్ము బుధవారం రాత్రి సందర్శించారు. ఈసందర్భంగా శ్రీ మహా చండీదేవి అలంకారంలో ఉన్న కనకదుర్గమ్మవారిని దర్శించుకుని ప్రత్యేక పూజలు నిర్వహించారు. రాష్ట్రపతికి రాష్ట్ర హోంమంత్రి వి అనిత, విజయవాడ పార్లమెంటు సభ్యులు కేశినేని శివనాథ్ , ఆలయ అధికారులు  స్వాగతం పలకగా అనంతరం రాష్ట్రపతి  అమ్మవారిని దర్శించుకున్నారు. దర్శనానంతరం వేద పండితులు రాష్ట్రపతికి వేదాశీర్వచనం అందించగా, దేవస్థానం కార్యనిర్వహణాధికారి శీనానాయక్ అమ్మవారి చిత్రపటాన్ని బహూకరించగా, హోంమంత్రి  అనిత అమ్మవారి శేషవస్త్రాలను అందజేశారు.