ఉత్తమ చారిత్రక పునర్నిర్మాణ చిత్రంగా హిందీ చిత్రం ‘కాకోరీ’కి జాతీయ అవార్డు

xPress24, ekthanagar, September 22, గుజరాత్‌లోని ఏక్తా నగర్ వేదికగా నిర్వహించిన 72వ జాతీయ చలనచిత్ర పురస్కారాల ప్రదానోత్సవంలో హిందీ చిత్రం ‘కాకోరీ’ విశిష్ట గౌరవాన్ని దక్కించుకుంది. ఉత్తమ బయోగ్రాఫికల్ / హిస్టారికల్ రీకన్‌స్ట్రక్షన్ / కంపైలేషన్ ఫిల్మ్ విభాగంలో ఈ చిత్రానికి జాతీయ అవార్డు వరించింది. చిత్ర నిర్మాతలు కేఎస్ఆర్ బ్రదర్స్, మింటీ మిశ్రా తరఫున వారి ప్రతినిధి జస్వీందర్ సింగ్ రాష్ట్రపతి ద్రౌపది ముర్ము చేతుల మీదుగా ప్రతిష్ఠాత్మక పురస్కారాన్ని అందుకున్నారు. స్వాతంత్ర్య సమర గాథకు సజీవ దృశ్యరూపం భారత స్వాతంత్ర్య సంగ్రామంలో చారిత్రాత్మక ఘట్టమైన కాకోరీ రైలు దోపిడీ ఉదంతం, విప్లవ వీరుల త్యాగాలను కళ్లకు కట్టేలా ఈ చిత్రం తెరకెక్కించింది. చరిత్రను వక్రీకరించకుండా సహజసిద్ధమైన రీతిలో తెరపై పునర్నిర్మించినందుకు గాను జ్యూరీ ఈ చిత్రానికి అవార్డును ఖరారు చేసింది. దేశభక్తిని రగిలించే చారిత్రక ఘట్టాలను సమగ్ర పరిశోధనతో భావితరాలకు అందించినందుకు ఈ ప్రతిష్ఠాత్మక గుర్తింపు లభించిందని చిత్ర బృందం పేర్కొంది.