ఎస్ఐఆర్‌పై కాంగ్రెస్ నిరసనలను తప్పుబట్టిన బీజేపీ

భారత్‌లో బంగ్లాదేశ్ వంటి రాజకీయ అస్థిరతను సృష్టించేందుకు కాంగ్రెస్ యత్నిస్తోందని తెలంగాణ బీజేపీ ప్రధాన అధికార ప్రతినిధి ఎన్.వి.సుభాష్ ఆరోపించారు. సీఈసీ జ్ఞానేశ్ కుమార్ రాజీనామా కోసం ప్రతిపక్షాలు రోడ్లెక్కి నిరసనలు తెలపడాన్ని తప్పుపట్టారు. ఎస్ఐఆర్ అంశంపై సుప్రీంకోర్టు విచారణ జరుపుతున్నందున రాజ్యాంగ వ్యవస్థల ప్రక్రియను గౌరవించాలని, వీధి పోరాటాల ద్వారా వ్యవస్థలను బలహీనపరచవద్దని సుభాష్ హితవు పలికారు.