ఏపీలో స్థానిక సంస్థల ఎన్నికల షెడ్యూల్‌ విడుదల

xPress24, andhrapradesh, October 14, ఆంధ్రప్రదేశ్‌లో స్థానిక సంస్థల ఎన్నికల నగారా మోగింది. రాష్ట్ర ఎన్నికల కమిషనర్ అనిల్ చంద్ర పునేఠా ఈ మేరకు సమగ్ర షెడ్యూల్ విడుదల చేశారు. ప్రకటించిన ప్రకారమే రాష్ట్రవ్యాప్తంగా నేటి నుంచే ఎన్నికల ప్రవర్తనా నియమావళి అమలులోకి వచ్చింది. రాష్ట్రంలోని 13 మున్సిపల్ కార్పొరేషన్లు, 77 మున్సిపాలిటీలు, 10 నగర పంచాయతీలకు ఎన్నికలు నిర్వహించనున్నారు. పుర, పరిషత్ ఎన్నికల ప్రణాళిక పురపాలక ఎన్నికలకు నామినేషన్ల గడువు అక్టోబరు 18 కాగా, ఉపసంహరణకు అక్టోబరు 21 వరకు అవకాశం కల్పించారు. అక్టోబరు 28న పోలింగ్, 30న ఓట్ల లెక్కింపు చేపడతారు. ఎంపీటీసీ, జడ్పీటీసీ ఎన్నికలకు అక్టోబరు 19న నోటిఫికేషన్ వెలువడనుంది. అక్టోబరు 23 వరకు నామినేషన్లు స్వీకరించి, 27 వరకు ఉపసంహరణకు గడువిచ్చారు. నవంబరు 3న ఎన్నికలు, 5న లెక్కింపు పూర్తి చేయనున్నారు. మూడు విడతల్లో గ్రామ పంచాయతీ పోలింగ్ గ్రామ పంచాయతీలకు మూడు విడతల్లో ఎన్నికలు నిర్వహించనున్నారు. తొలి విడత నవంబరు 26, రెండో విడత నవంబరు 29, మూడో విడత డిసెంబరు 2న పోలింగ్ జరగనుంది. పోలింగ్ పూర్తయిన రోజునే ఓట్ల లెక్కింపు చేపడతారు. మొదటి విడత నోటిఫికేషన్ నవంబరు 13న, రెండో విడత 16న, మూడో విడత 19న విడుదల చేయనున్నారు.