ఏరియల్ సర్వే ద్వారా వినాయక నిమజ్జన ఏర్పాట్లను పరిశీలించిన మంత్రి పొన్నం

xPress24, Hyderabad, September 25, హైదరాబాద్‌లో గణేష్ శోభాయాత్ర, నిమజ్జన ప్రక్రియ ప్రశాంతంగా సాగుతోంది. ఈ క్రమంలో నిమజ్జన ఏర్పాట్లను జిల్లా ఇంచార్జ్ మంత్రి పొన్నం ప్రభాకర్ ఏరియల్ సర్వే ద్వారా పర్యవేక్షించారు. ఆయనతో పాటు డీజీపీ సీవీ ఆనంద్, హైదరాబాద్ సీపీ సజ్జన్నార్, జీహెచ్‌ఎంసీ కమిషనర్ ఆర్.వి.కర్ణన్, హైదరాబాద్ జిల్లా కలెక్టర్ ప్రియాంక హెలికాప్టర్‌లో కలిసి పర్యటనలో పాల్గొన్నారు. నిమజ్జన మార్గాలు, ప్రధాన ప్రాంతాల్లో భద్రతా ఏర్పాట్లు, ట్రాఫిక్ తీరును పరిశీలించారు. అనంతరం మీడియాతో మంత్రి పొన్నం మాట్లాడుతూ గణేష్ నిమజ్జన ప్రక్రియ ప్రశాంతంగా కొనసాగుతోందని తెలిపారు. సమన్వయంతో పకడ్బందీ చర్యలు ప్రభుత్వంలోని అన్ని శాఖలను సమన్వయం చేస్తూ భక్తులకు, ఉత్సవ నిర్వాహకులకు ఎలాంటి ఇబ్బందులు కలగకుండా చర్యలు తీసుకున్నామని మంత్రి పేర్కొన్నారు. క్షేత్రస్థాయిలో అధికారులంతా అప్రమత్తంగా ఉంటూ ఎప్పటికప్పుడు పరిస్థితిని సమీక్షిస్తున్నారని వెల్లడించారు. భక్తులకు ఎలాంటి అసౌకర్యం కలగకుండా అన్ని రకాల మౌలిక వసతులు కల్పించినట్లు చెప్పారు. నిమజ్జన వేగవంతానికి సహకారం నిమజ్జన ప్రక్రియ మరింత వేగంగా జరిగేలా గణేష్ ఉత్సవ నిర్వాహకులు తగిన సహకారం అందించాలని కోరారు. అందరి భాగస్వామ్యంతో ఈ వేడుకను విజయవంతంగా ముగించాలని పిలుపునిచ్చారు. బైట్ - పొన్నం ప్రభాకర్, మంత్రి