ఏలూరు పోలీస్‌ పరేడ్‌ గ్రౌండ్‌లో ఎస్‌సీటీపీసీ పాసింగ్‌ ఔట్‌ పరేడ్‌

xPress24, Eluru, September 26, ఏలూరు, సెప్టెంబర్‌ 26: ఏలూరు జిల్లా పోలీస్‌ ప్రధాన కార్యాలయ ఆవరణలోని పోలీస్‌ పరేడ్‌ గ్రౌండ్‌లో పెదవేగి పోలీస్‌ ట్రైనింగ్‌ సెంటర్‌ (పీటీసీ) ఆధ్వర్యంలో శిక్షణ పూర్తి చేసుకున్న స్టైఫండరీ క్యాడెట్‌ ట్రైనీ పోలీస్‌ కానిస్టేబుళ్ల (ఎస్‌సీటీపీసీ) పాసింగ్‌ ఔట్‌ పరేడ్‌ ఘనంగా నిర్వహించారు. ఈ కార్యక్రమానికి రాష్ట్ర గృహ నిర్మాణ, సమాచార, పౌర సంబంధాల శాఖ మంత్రి కొలుసు పార్థసారథి ముఖ్య అతిథిగా హాజరయ్యారు. శిక్షణ పూర్తి చేసుకున్న పోలీస్‌ కానిస్టేబుళ్ల నుంచి మంత్రి గౌరవ వందనం స్వీకరించారు. ఈ కార్యక్రమంలో ఏలూరు రేంజ్‌ ఐజీ జి.వి.జి. అశోక్‌ కుమార్‌, జిల్లా కలెక్టర్‌ కె. వెట్రిసెల్వి, ఏలూరు ఎమ్మెల్యే బడేటి రాధాకృష్ణయ్య (చంటి) తదితరులు పాల్గొన్నారు.