జాతీయం
కన్నడ దిగ్గజ నటుడు అనంత్ నాగ్కు దాదాసాహెబ్ ఫాల్కే అవార్డును ప్రదానం చేసిన రాష్ట్రపతి ద్రౌపది ముర్ము
23-09-2026 05:30
కన్నడ సినీ దిగ్గజం అనంత్ నాగ్కు భారతీయ సినీ రంగ అత్యున్నత పురస్కారం దాదాసాహెబ్ ఫాల్కే అవార్డును రాష్ట్రపతి ద్రౌపది ముర్ము ప్రదానం చేశారు. 72వ జాతీయ చలనచిత్ర అవార్డుల వేదికగా ఈ గౌరవం అందించారు. ఐదు దశాబ్దాల సినీ ప్రస్థానంలో 300కు పైగా చిత్రాల్లో నటించి అద్వితీయ సేవలందించినందుకు అనంత్ నాగ్ను ఈ పురస్కారం వరించింది.
xPress24, ekthanagar, September 22,
భారతీయ సినీ పరిశ్రమలో అత్యున్నత పురస్కారమైన దాదాసాహెబ్ ఫాల్కే అవార్డును కన్నడ దిగ్గజ నటుడు అనంత్ నాగ్కు ప్రదానం చేశారు. గుజరాత్లోని ఏక్తా నగర్ వేదికగా నిర్వహించిన ప్రతిష్ఠాత్మక 72వ జాతీయ చలనచిత్ర పురస్కారాల ప్రదానోత్సవంలో రాష్ట్రపతి ద్రౌపది ముర్ము చేతుల మీదుగా అనంత్ నాగ్ ఈ గౌరవాన్ని అందుకున్నారు. 2024 సంవత్సరానికి గాను భారత ప్రభుత్వం ఆయనను ఈ అత్యున్నత పురస్కారానికి ఎంపిక చేసింది.
ఐదు దశాబ్దాల సినీ ప్రస్థానం.. 300లకు పైగా చిత్రాలు
దేశంలోనే అత్యంత ప్రతిభావంతులైన నటుల్లో ఒకరిగా గుర్తింపు పొందిన అనంత్ నాగ్, ఐదు దశాబ్దాలకు పైగా సినీ ప్రస్థానంలో 300లకు పైగా చిత్రాల్లో నటించారు. విభిన్న పాత్రలతో కన్నడ చిత్ర పరిశ్రమతో పాటు భారతీయ సినిమా వికాసానికి ఆయన చేసిన విశేష సేవలను కేంద్ర ప్రభుత్వం కొనియాడింది. సహజసిద్ధ నటన, తాత్విక భావాలు కలిగిన పాత్రలతో కోట్లాది మంది ప్రేక్షకుల అభిమానాన్ని చూరగొన్న అనంత్ నాగ్కు ఫాల్కే అవార్డు దక్కడంపై సినీ ప్రముఖులు హర్షం వ్యక్తం చేశారు.