కేబీఆర్‌ పార్కు చుట్టూ హెచ్‌-సిటీ పనులు రద్దు: జీహెచ్‌ఎంసీ కమిషనర్‌ ఆర్వీ కర్ణన్‌

xPress24, Hyderabad, October 5, నగరంలోని కేబీఆర్‌‌ పార్కు, జూబ్లీహిల్స్‌ చెక్‌పోస్టు మార్గాన్ని జీహెచ్‌ఎంసీ కమిషనర్‌ ఆర్వీ కర్ణన్‌ పరిశీలించారు. ఈ సందర్భంగా మీడియాతో మాట్లాడుతూ కేబీఆర్‌ పార్కు చుట్టూ చేపట్టాల్సిన హెచ్‌-సిటీ పనులను పూర్తిగా రద్దు చేసినట్లు స్పష్టం చేశారు. పార్కు చుట్టూ వన్‌వే విధానాన్ని శాశ్వతంగా అమలు చేయాలని నిర్ణయించినట్లు తెలిపారు. ఈ నిర్ణయం ద్వారా ప్రభుత్వానికి నాలుగు వందల కోట్ల రూపాయల నిధులు ఆదా అవుతాయని పేర్కొన్నారు. స్టీల్ బ్రిడ్జి నిర్మాణం నాగార్జున సర్కిల్ నుంచి జూబ్లీహిల్స్‌ చెక్‌పోస్టు వరకు ఆరు లైన్లతో భారీ స్టీల్ బ్రిడ్జి నిర్మాణ పనులను చేపట్టనున్నట్లు కమిషనర్ వెల్లడించారు. ఈ ప్రతిష్టాత్మక ప్రాజెక్టును వచ్చే ఏడాది నాటికి పూర్తి చేసేలా చర్యలు తీసుకుంటున్నట్లు తెలిపారు. ట్రాఫిక్ సమస్యలకు శాశ్వత పరిష్కారం చూపడమే లక్ష్యంగా ప్రణాళికలు అమలు చేస్తున్నామని వివరించారు. అండర్‌పాస్ ఏర్పాటు ప్రయాణికుల రాకపోకలను మరింత సులభతరం చేసేందుకు కేబీఆర్‌ పార్కు నుంచి ప్రత్యేకంగా అండర్‌పాస్‌ను నిర్మించనున్నట్లు ఆర్వీ కర్ణన్‌ తెలిపారు. నగరంలో మౌలిక వసతుల మెరుగుదలకు జీహెచ్‌ఎంసీ నిరంతరం కృషి చేస్తోందని పేర్కొన్నారు.