కరీంనగర్ మహాశక్తి ఆలయంలో వైభవంగా శరన్నవరాత్రి ఉత్సవాలు

కరీంనగర్ జిల్లాలోని శ్రీ మహాశక్తి ఆలయంలో దేవి శరన్నవరాత్రి ఉత్సవాలు అంగరంగ వైభవంగా జరుగుతున్నాయి. మూలా నక్షత్రం సందర్భంగా అమ్మవారు శ్రీ సరస్వతి దేవి అవతారంలో భక్తులకు దర్శనమిచ్చారు. విద్యార్థుల అక్షరాభ్యాసాలు, ప్రత్యేక పూజలతో ఆలయం కోలాహలంగా మారగా, కేంద్ర హోంశాఖ సహాయ మంత్రి బండి సంజయ్ తో పాటు మాజీ ఎంపీ గరికపాటి మోహన్ రావు, జాతీయ ఎస్టీ కమిషన్ సభ్యుడు హుస్సేన్ నాయక్ సహా పలువురు అమ్మవారిని దర్శించుకుని పూజలు చేశారు.